"speechtube" 有話好說

我所了解个台灣文化

各位評判先生、同學逐家好。我是第16號，今仔日我所欲演講的題目就是，『我所了解个台灣文化』。

文化是咱人生活過程所留落來的物件，像咱穿的衣服，咱的徛家(住家)，咱的生活方式，做代誌的精神態度，無論是看得到，抑是看袂到的攏是。

台灣有足多款的地形，氣候擱好是一個好趁食的所在，咱的祖先嘛按呢偎唐山來到這討食，嘛帶來足多漢人的文化，像冬頭到冬尾的民俗，人偎出世到過往所有的風俗，擱有敬老尊賢，有孝(孝順)序大(長輩)的家庭倫理，會凍說是台灣文化的主體，這是逐家攏知影的，置這就麥(不要)多講啊。

其實台灣本來就有在地的原住民置勒這生活，嘛曾有荷蘭人、日本來置勒這統治過，一步當然就有一腳印，怹的文化自然就會留落來，嘛一定會透混(混雜)入來變成是台灣文化的一部分。像牽手就是家後，牽手是偎平埔族留落來的，咱磚仔壁交層式的疊法，是荷蘭人傳入來的，混泥土、番仔火嘛是啊，憨番扛廟角那個外國人形體，『憨番』聽說嘛是荷蘭人。

日本統治台灣離今嘛卡近，對台灣文化的影響就卡多囉，像到今嘛台語歌足多還擱有足厚的日本味，尤其日本嘟好(剛好)是民治維新的時陣，毋那把日本本土的文化傳進來，而且嘛把對歐洲所學來的文化帶入來咱台灣，尤其是建築這個方面，偎咱的總統府、政府機關，到民間的徛家(住家)、店面，四界攏嘛看得到。

阿今嘛，因為社會的自由開放，交通資訊發達，足多外國的文化觀念，嘛偎外國傳入來咱台灣，不過黏咪(一下子)就甲咱的文化相激、相影響，黏咪(一下子)就會創造出台灣的特色。

像sandwich就是華語所講的「三明治」，連鎖店開甲滿四界，毋過店內菜頭粿、飯糰、豆奶逐項攏有，予你沙無這到底是哪一國、哪一味。像這款的情形，毋管是在穿的、住的、用的，四界攏嘛有，攏嘛看得到。阿今年我去基隆看放水燈，發現參咱勒燒的金銀紙，嘛同款是按呢，逐家攏知影，因為環保的問題，足多廟宇攏禁止燒金銀紙，毋過這是咱宗教信仰的文化，想欲一聲就把斷去，那是無可能的，就按呢開發出符合環保觀念的環保金。尚予人期待的是，一個偎西班牙留學轉來的藝術碩士，用心把印置金紙頂頭福祿壽三仙的圖樣，經過藝術化的設計，而且擱和生活的物件相結合，有衫有領帶，有杯拗阿(杯子)和鎖匙圈阿，希望會凍把祈求平安，和福祿壽的祝福傳出去，伊講福祿壽是咱一生的恩望(盼望)，嘛是一個足好的祝福，若是一個手(一下子)就把伊燒去，這個文化一定攏會一直攏足粗俗的，伊講這是一種本土文化的提升，把對神明的祈求轉變成對人的祝福，毋是擱卡好。文化一定要經過藝術化的設計，才有法度提升延續伊的生命，才有法度提高伊的價值，嘛才有法度拍入去國際。伊擱講『輸贏不成在，無拼就不知』，拼下去就會知輸贏，實在予人足感心耶。我就跟伊買兩個鎖匙圈，一條領帶，誠心祝福伊會凍成功，予台灣文化擱卡『ㄑ一ㄚ一ㄚ』(興盛有派頭)。

像按呢，毋怪台灣的文化一直攏會卡生臊(豐盛餐食)、攏會卡滂湃(豐盛)，台灣文化生命攏會一直充滿創造的活力，原來台灣就是有『甘願做牛，毋驚無犁通拖』，骨力、打拼、不認輸的精神態度。過去台灣錢淹腳目，台灣的經濟奇蹟，今嘛自由開放的社會，電子科技的王國，攏是這個骨力、打拚、刻苦耐勞、一步一腳印所打拚下來的。

雪山磅孔(隧道)會凍完成就是一個尚好的例，是咱台灣的工程師堅持毋願放棄，用15年的時間，才挖出來這條全世界第五長的磅孔(隧道)，愛知影這個磅孔(隧道)全世界是無工程師敢來挖的，是連那個時陣全世界尚新尚好的機器，無兩手就歸台歹在內底的工程，毋怪全世界攏o-lo(稱讚)講，這是台灣建築的奇蹟，其實這就是台灣有，骨力打拼不認輸的精神甲態度，四百外(多)年來，就是這款骨力打拼不認輸的精神甲態度，毋那予台灣抵嘞面對所有外來的文化，抑擱會凍保存自己本身的主體文化，抑擱跟會到(跟得上)潮流的變化，相信底勒加入WTO了後(之後)，面對全球化甲本土化的衝突，這個精神同款有法度予咱擱再創造擱卡多屬於台灣文化的特色。

我知影，有第一流文化的民族，才有法度創造出第一流的國家，在這全球化的時代，咱愛用心去了解咱自己的文化，才有法度創造出第一流的文化，才有法度面對國際競爭，這是我對台灣文化的瞭解，也是對台灣文化的恩望(盼望)。我的演講就到這，多謝逐家。

引自：戴育真(2009)未出版之論文。